Presentación do libro, editado por GRUGALMA (Grupo Cultural Galicia en Madrid), "LA ILUSTRACIÓN ESPAÑOLA (GALICIA). GUERRA Y CULTURA", de varios autores
Interveñen Manuel Ángel Puga Martínez, pedagogo; Luis Vázquez Fernández, membro da Real Academia de Doutores de España; e Manuel Mourelle de Lema, editor do libro e membro Correspondente da Real Academia da Historia.
O libro recolle, por un lado, parte dos relatorios que se presentaron no ano 2002 na Facultade de Ciencias da Información de Madrid durante as "Xornadas de Cultura Galega" arredor da Ilustración en España con atención especial á figura do Padre Sarmiento; e por outro, as colaboracións presentadas en A Coruña nas "XXIV Xornadas de Cultura Galega" centradas no tema xeral de "Galicia e a Guerra da Independencia española e independencia da América Hispánica", co gallo da celebración do bicentenario da Guerra da Independencia de 1808.
